Бахтлу уьмуьрдин жигьетдай суьгьбет

14 Август 2017 459

50 йисуз бахтлудаказ яшамиш хьайи яшлу дишегьлидихъ галаз суьгьбет хьайи вахтунда, адав вичин бахтлувилин рекьин сир вуч ятIа чирун патал суал вуганай. Белки ам хъсандиз гьазурнавай тIямлу тIуьн я жеди? Я туштIа гурчегвал ятIа? Яраб ханвай аялар ятIа? Я туштIа маса шей ятIа?

Дишегьлиди жаваб гана: - Некягьдин бахтлувал Аллагьдин куьмекдалди дишегьлидин гъиле ава… Гьа дишегьлидивай вичин кIвал Женнетдиз элкъуьриз жеда ва акси яз…

- Девлетдин тIвар кьамир! – Девлетлу гзаф дишегьлияр бахтсуз я, абурун гъуьлер абурухъай катзава…

- Аяларни туш – 10 гада аял ханвай дишегьлияр ава, амма абурун гъуьлериз абур кIан туш, бязи вахтара чара хьайи дуьшуьшарни ава…

- Гзафбур тIуьнар гьазуриз магьир я – са бязибуру йикъан са пай тIуьн гьазурдай кIвале акъудзава, амма гьа и дишегьлийри чпин гъуьлерин патай пис рафтарвал авайди шел-хвал ийизва…

Суалар вугузвайди тажуб хьана. Ада генани жузуна: «АкI хьайила, адан сир вуч я?».

Дишегьлиди жаваб гана: - Зи итимдиз хъел аваз ажугълу вахтунда, зун кьил агъузна кис хьана акъваззава. Нифретлудказ са гафни талгьана, гъуьлуьз килигмир, итим акьуллу я, ви фикирдай адан кьил акъатда!

Дишегьлидивай жузуна: «Бес куьн кIваляй вучиз экъечIзавач?»

Ада жаваб гана: - Гьич са вахтундани акI мийир – ада фикирун мумкин я, гуя ваз яб тагуз кIанз вуна кьил баштанзавайди.

Чуькьни тавуна ам секин жедалди, ада лугьузвай вири гафарихъ галаз рази хьана кIанда. Адалай кьулухъ за адавай жузазва: «Мад ваз хълагьдай са шейни авани?» Ахпа зун кIваляй экъечIзава, вучиз лагьайтIа, гьараяр авур кьван ам галат хьанва. Зун кIваляй экъечIна жуван кIвалин кIвалахрив эгечI хъийизва.

Дишегьлидивай жузуна: «Куьне вуч ийизва? Гъуьлуьхъ галаз хъилер кьуна са гьафтедин къене, я туштIа гьадалайни гзаф яз адахъ галаз рахазвачни?»

Ада жаваб гана: - Ваъ, гьич садрани! Ам пис хесет я. Эгер вун гъуьлуьхъ галаз геждалди рахан тийиз хьайитIа, ам ахьтин къайдадихъ галаз вердиш хьун мумкин я.

«Бес куьне а вахтунда вуч ийизва?», - хабар кьуна дишегьлидивай.

Яшлу дишегьлиди лагьана: - Кьве сят, я туштIа адалай гзаф алатайла, за адан вилик истиканда авай чай, я туштIа шире эцигзава ва хъуьтуьлдаказ лугьузва: «ваз минет хьуй, ам хъухъ» - вучиз лагьайтIа, адаз ам гьакъикъатда герек я. Адалай кьулухъ адет тирвал адахъ галаз рахазва.

Ада завай жузада: «Ваз хъел авани?»

За – «Ваъ», - лугьузва.

Ада вичин регьимсуз гафарин патахъай завай багъишламишун тIалабиз ва хъуьтуьлдаказ рахаз башламишда.

Яшлу дишегьлидивай хабар кьазва: «Куьн адан гафарихъ ягъазвани?»

Дишегьлиди жаваб гузва: - Эхь, гьелбетда! Вучиз лагьайтIа зун эсиллагь ахмакь туш ва за жуван рикIел ихтибарзава. Адаз хъел авайла лагьай гафарихъ инанмиш хьана ва ам секин хьайила лагьай гафарихъ ягъун тавун, бес дуьз яни?!

  Дишегьлидивай мадни жузуна: «Бес куь такабурлувал гьикI хьуй?»

Ада жаваб гана: - Зи такабурлувал - зи гъуьл залай рази хьана чи араяр фаракъат хьун я. Гъуьлуьнни папан арада такабурлувилиз гьич чка авач. Вун жуван гъуьлуьн вилик михьиз кьецIил хьайидалай кьулухъ, вучтин такабурлувал амукьда?!

Эгер дишегьлидиз чIехи фикир ганачиртIа, Аллагьди адакай Женнетдин гьуьри ийидачир. Дишегьли гуьзел я! ГъвечIи чIавуз ада вичин бубадиз Женнетдиз рак ачухзава, жегьил хьайила ада вичин гъуьлуьн дин алава хъийизва.

Къуй Аллагьди гьар са рушакай, вахакай, дидедикай… гьа винидихъ тIвар кьур хьтин дишегьли авурай!

Гьазурайди: А. ЭМИРСУЛТАНОВ

Самые интересные статьи «ИсламДага» читайте на нашем канале в Telegram.