ЖумягI бархIила суннатуни

22 Август 2017

1. ЖумягI бархIи – дебали баракатла бархIи саби лебил бусурмантас.

2. ЖумягI бархIила хIурмат бирес ва ил сабаахъес хIерли дирес гIягIниси саби.

3. ЖумягI бархIиличи хIядурдиирая:

  сунна хIясибли кьаркьа умудеш барая;

  умути палтар чегьая;

  сивак пайдалабарая;

  никуби кьицIдарая;

миски (духи)пайдаладарая;

  кьаркьайчирти гъез урасая.

4. Палтар цIубати диалли гIяхIси саби.

5. Мурул адамти мижитла жявли букьни.

6. ВягIзала замана гъаймадикIудая, телефонти дишахъеная.

7. ЖумягI бархIи имцIали салаватуни дучIеная. Идбаг e викIар: «ЖумягI бархIи набчи дахъал салаватуни дирения. Иларти малайкунани илди набчи диахъу».

Малайкунани салават белчIунтала уми ахъили бурути саби Идбагла e гьалаб.

8. Илкьяйдали ил бархIи сура «Кахф» бучIес гIягIниси саби. Ил барахIелли нушала арбякьунси жумягI бархIиличирад дарибти диштIати бунагьуни урисути сари ва гIергъиси жумягI бархIи сабаайчи нур ва баракат лугуси саби.

9. ЖумягI бархIи Аллагьлизи сецад дигара дугIябачил дугьайзес вируси сай, хаслира гIасрла (дакьала) ва магърибла(маркIачIилла) ургаб.

10. Илкьяйдали Аллагьличи дугьайзес дирудая кIелра вягIзала ургав. Имамли ца вягIза белчIи багьлабарибхIели, царал белчIес вехIихьайчи пикрумазиб къантIси дугIя бируси саби, сенкIун илхIели ил Аллагьли кьабулбирули сай.