За ягъалмиш фикирар кьунвай…

3 Февраль 2018 387

Заз куь куьмек ва меслят кIанзава. Кар ана ава хьи, эвел за вагьабитрин фикирар кьунвай, анжах чидач гьикI хьанатIа, гила а хилен векилри лугьузвай са гафунихъни зун ягъазмач. Абуру лугьузвай гзаф пай ихтилатар уьмуьрдихъ галаз дуьз текъвезвайди за кьатIана. Гзаф вахтара абуру лугьузвай гафар гьа чпи кьилиз акъудзавач. Гила зи руьгь ичIи хьанвайди хьиз я. Зи иман налугьуди квахьна, чидач…

Зун эсиллагь инсанрихъ ягъазмач. Гила жуван гьевесралди яшамиш жезва, бязи вахтара, Аллагьди залай гъил къачурай, уьмуьр захъ галаз адалатсуз хьиз ава. Бязи вахтара вири бедбахтвилера жува-жув батIуларзава. Диде-бубадиз акси хьайиди, гуя абур залай авам я лагьана фикир авунай, гила за гьайиф чIугвазва. Зун дуьз туширди, за гила кьатIузва. Кар ана ава хьи, зун гъуьлуьк кваз 2 йис я. Гъуьлуь са мус ятIани гьа за кьунвай фикирар кьунай. Гила зун гзаф пай жуван гъуьлуьн амалар акваз дегиш хьанва. Ам диндикай кIеви ванцелди рахазва, гзаф вахтара вичин рахунра тапарар ийизва. Бязи вахтара тапарар ачухдиз винел акьалтзавай, амма ада гьикI хьайитIани багьнаяр аквадай.

Мумкин я, михьи Исламдикай кIевиз рахазвай, амма вичи гзаф вахтара тапарарзавай, гьарам ийизвайдахъ зун инанмиш тахьун. Зун азарлу вахтунда, зи гъуьлуьвай интернетдин куьмекдалди чара дишегьлийрихъ галаз рахаз, гьатта абурухъ галаз гуьруьшмиш жезвай, анжах зи хатур хазвай. Вири гьисабиз алакьдач… Са гафуналди зи рикI ханва. Гила за жув ичIи хьайиди ва жув садазни герек авачирди хьиз гьиссзава. Гзаф вахтара чара хьуникай фикирзава, амма гила чахъ аял ава, гележегда аялди буба кьилел алачиз вич чIехи хьанва лугьуз заз ада туьгьметар ийиз кичIезва, гьавиляй ам патал вири эхиз зун рази хьанва. За гъалатIар гзаф авунва… За квевай куьмек тIалабзава, за вуч ийида?!

Алимдин жаваб:

Куьн экстремизмдин ва «такфиризмдин» (мусурманар динсузвиле тахсирлу авунин ва абурун ихтиярриз кIур гунин, гьа жергедай яз уьмуьрдин ихтиярризни) рекьелай   элячIна лугьуз чун гзаф шад я. Аллагьдиз са сеферда шукур гъунал акъвазмир, ахьтин фикиррин терефдарар эгер туба тавуна кьейитIа, Жегьеннемдиз аватда.

Ам куь гъуьл я, гьавиляй ам гьикьван а тапан идеологияда гьахьнаватIа, квез хъсан аквада. Адахъ галаз яшамиш жез ва квевай ам гележегда насигьатар ийиз дуьз рекьел хкиз жеда лагьана эгер куьне гьисабзаватIа, адахъ галаз чара тахьана ам туькIуьр хъувуртIа, хъсан амал я. Аллагьдин Расулди e Жабалян хва Муазаз лагьана: «И дуьньядилай ва ана авай вири шейэрилай, Аллагьди вун себеб яз са инсан дуьз рекьел гъун, вун патал хъсан я».

Эгер куь гъуьл а рекье лап деринра гьахьнаватIа ва адаз садавайни куьмек гуз алакьдачтIа,  куьн патал, куь аял ва дин патал вуч хъсан ятIа куьн килиг.

Ада тапарарзавай жигьетдай рахайтIа, тажуб жедай кар авач, адан фикирар гвай инсанриз ам хас лишан я. Гьа чпиз кIани жуьреда аятар ва гьадисар дегишариз, абуру чпин жергеяр алдатмишнавайбуралди ацIурзава.

И дуьньядин гьахъсузвилерикай лугьуз жеда, яни и дуьнья инанмишбур патал ахтармишунилай гъейри, мад са шейни туш. Вири четинвилериз дурум гуз чалишмиш хьухь, Аллагьди гайитIа, эхиримжи дуьньяда куьн патал чIехи пишкеш жеда.

Мусурман психологдин жаваб:

Куь гьалда виридалайни кьилинди – им дин инсанди тийизвайди, куьн гъавурда акьуна кIанда. Гьайиф хьи, диндин гафар кIевиз лугьузвай, амма кар чкадал атайла вири терсина ийизвайбуру, амай инсанрив диндикай пис фикир ийиз тазва. Гьар гьикI хьайитIани, Исламдин кьилин истемишунар кьиле тухун давамара.

Куь кьилел къвезвай агьвалатар Аллагьдин патай тир, квевай кьилиз акъудиз жедай ахтармишунар хьиз кьабула. АкьалтIай къараррин серенжемар кьабулмир, чара жез квевай гьамиша алакьда. Куь гъуьлуь вич тухузвайвал ва вичи ийизвай амалар адаз акун патал, Аллагьди адан вилер ахъайдай мумкинвал ава кьван. Гьар гьикI ятIани, куьн чахъ элкъуьнин амалди, куь умуд атIун тавунвайди субутзава, дегиш хьанвайди анжах куь килигунин тегьер я.

Гъуьлуьхъ галаз хъуьтуьлдаказ диндикай рахаз гьавалат хьухь, адан хъсан амалрин тариф авун важиблу я. Куь гъуьлуьн гафар адан амалрихъ галаз кьан тийиз хьайила, им адан зайиф имандин ва ам масадан таъсирдик акатунин  лишанар я. Эгер гьакI яз хьайитIа, мусурмандин марифатдикай ва эдебрикай кхьенвай ктабар, макъалаяр кIелайтIа, адан фикирриз таъсирун лазим я.

Самые интересные статьи «ИсламДага» читайте на нашем канале в Telegram.